Big up de Country Relatives

The band has ah professional sound, writes and records its own Songs and is quite ah fear-for-hit at de Hotels and Clubs in Bequia. I think dat just being ah part of de now internationally famed, Bequia Blues Festival dat features Caribbean and international groups, is nuff to mek us all feel proud of Bequia, and in particular Country Relatives. Big-it-up foh de lads!

OVER MY DEAD BODY TOO

Ah don’t know if Arm-in planning to dead now, but he right when he says: “Over my dead body!” My over-standing of remittances, is dat anybody can send home money or barrel to his/her people be it ah club, church or pull-it-tek-all party. In de case of ah barrel, de Customs will check, inspect, value de contents and charge duty accordingly. If it is ah charity, de receiver could ask foh duty free concession. We had ah disaster on Christmas Eve night, and some Vincentians in de die-us-poorer, supporters of de NDP, want to send home Relief – food and clothes to us, dey prefer not to deal thru NEMO or Go-venom-mint, dey feel more con-fee-dent channeling dey items thru NDP, dey party. When de barrels arrive, it will be de Customs’ job to determine if the contents are dutiable or not.

If Customs charge duty, NDP will either pay or ask de Go-venom-mint foh concession. But don’t tell me dat de shipment has to go thru NEMO. My Buddy David Joyette called after de Flooding and said he wants to supply book bags, stationary etc to children who suffered loss in de floods. He will send dem to me. If and when dey come, and anybody tell me any non-cents bout going thru NEMO, is “Over My Dead Body Too!” Dam non-cents, right in de Customs ah leaving dem! And wid dat is gone ah gone again.

One Love Bassy

Bassy Alexander is a land surveyor, folklorist and social commentator.